ગુજરાત હાઈકોર્ટે કર્મચારીઓના હિતમાં ખુબ જ મહત્વનો ચુકાદો આપ્યો છે, જેનાથી હક રજા પગાર માટેની અનિશ્ચિતતા હવે દુર થઈ ગઈ છે. હાઈકોર્ટે સ્પષ્ટ કરી દીધું છે કે હક રજા પગાર કર્મચારીઓનો મૂળભૂત હક છે અને કંપનીઓ તેનો ઈન્કાર કરી શકતી નથી. આ ચુકાદો કર્મચારીઓ માટે એક મોટી જીત સમાન છે.
કંપનીઓ માટે સ્પષ્ટ સંદેશ
અહિયાં સુધી, ઘણી કંપનીઓ અને સંસ્થાઓ હક રજા પગાર આપવા મામલે ટાળીશ નાખતી હતી, પરંતુ હવે ગુજરાત હાઈકોર્ટના આ ચુકાદા બાદ તે સ્પષ્ટ થઈ ગયું છે કે આ પગાર કર્મચારીઓનો હક છે. હાઈકોર્ટે કહ્યું છે કે કંપનીઓને કર્મચારીની રજા મામલે 90 દિવસની અંદર નિર્ણય લેવો જરૂરી છે અને તેમા વિલંબ કરવો બંધારણના ઉલ્લંઘન સમાન છે.
નિવૃત્ત કર્મચારીને રજા રોકડ રકમ ચુકવવાનો આદેશ
આ મામલે અમદાવાદ મ્યુનિસિપલ કોર્પોરેશનની એક અરજી પણ હાઈકોર્ટે ફગાવી દીધી છે, જ્યાં લેબર કોર્ટે નિવૃત્ત કર્મચારીને બાકી રહેલી રજા રોકડ રકમ ચૂકવવાનો આદેશ આપ્યો હતો. આ નિર્ણય તે બાબતની પુષ્ટિ કરે છે કે કોઈ પણ કર્મચારીને રજા રોકડ રકમથી વંચિત રાખવી તેમના કાયદાકીય અધિકારનું ઉલ્લંઘન છે.
કેસનું બેકગ્રાઉન્ડ
આ કેસ સદગુણભાઈ સોલંકી નામના કર્મચારી સાથે સંબંધિત છે, જેમને 1975માં નોકરીમાં રાખવામાં આવ્યા હતા. 1986માં હેલ્પરની પોસ્ટ પર પાછા મૂકાયા બાદ, તેમણે હક રજા પગાર માટે લેબર કોર્ટમાં દાવો કર્યો હતો. આ મામલે લેબર કોર્ટના નિર્ણયને હાઈકોર્ટે યથાવત રાખ્યો છે, જે કર્મચારીના હિતમાં એક મહત્વપૂર્ણ નિર્ણય છે.
આ ચુકાદાથી હવે તે સ્પષ્ટ થઈ ગયું છે કે કર્મચારીઓના હક રજા પગાર માટે કોઈ પણ પ્રકારનો ઈન્કાર બંધારણનું ઉલ્લંઘન માનવામાં આવશે.
