રાજકોટ: TRP ગેમ ઝોનમાં આગની ઘટના બાદ 28 લોકોના મોત થયા હતા. આ ઘટના પછી સરકાર તુરંત એક્શનમાં આવી છે. સોમવારે, 7 અધિકારીઓને સસ્પેન્ડ કર્યા પછી, હવે સરકાર દ્વારા વધુ મોટા અધિકારીઓ સામે પગલા લેવાયા છે.
પોલીસ કમિશનર અને મ્યુનિસિપલ કમિશનરની બદલી
રાજકોટમાં પોલીસ કમિશનર રાજુ ભાર્ગવ અને મ્યુનિસિપલ કમિશનર આનંદ પટેલની બદલી કરવામાં આવી છે. તેમની જગ્યાએ બ્રિજેશ ઝાને નવા પોલીસ કમિશનર તરીકે નિમણૂક કરવામાં આવી છે.
સસ્પેન્ડ કરાયેલા 7 અધિકારીઓ
આગની ઘટનાના જવાબદાર માનવામાં આવતા 7 અધિકારીઓને સોમવારે સસ્પેન્ડ કરવામાં આવ્યા છે. આમાં આરએમસીના આસિસ્ટન્ટ પ્લાનર અને આસિસ્ટન્ટ એન્જિનિયર સહિત R&B વિભાગના ડેપ્યુટી એન્જિનિયરનો સમાવેશ થાય છે. રાજકોટ શહેરના બે પીઆઈને પણ સસ્પેન્ડ કરવામાં આવ્યા છે.
સસ્પેન્ડ થયેલા અધિકારીઓની યાદી
- ગૌતમ જોશી: આસિસ્ટન્ટ ટાઉન પ્લાનર, રાજકોટ મહાનગરપાલિકા ટાઉન પ્લાનિંગ શાખા
- જયદીપ ચૌધરી: આસિસ્ટન્ટ એન્જિનિયર, રાજકોટ મહાનગરપાલિકા ટાઉન પ્લાનિંગ શાખા
- એમ.આર. સુમા: નાયબ કાર્યપાલક ઈજનેર, રાજકોટ બાંધકામ માર્ગ અને મકાન વિભાગ
- વી.આર. પટેલ: પોલીસ ઈન્સ્પેક્ટર, રાજકોટ રીડર શાખા
- એન.આઈ. રાઠોડ: પોલીસ ઈન્સ્પેક્ટર, ગાંધીગ્રામ – ૨ (યુનિવર્સિટી)
- પારસ કોઠીયા: નાયબ કાર્યપાલક ઈજનેર, રાજકોટ
- રોહિત વિગોરા: સ્ટેશન ઓફિસર, ફાયર અને ઈમરજન્સી સર્વિસીસ, રાજકોટ મહાનગરપાલિકા
આગની આ ભયાનક ઘટનાને પગલે સરકાર દ્વારા ઝડપી અને કડક પગલાં લેવામાં આવી રહ્યા છે.
(વધુ વિગતો ઉમેરાઈ રહી છે)
