આમ તો પ્રોટીન આરોગ્ય માટે ઉત્તમ માનવામાં આવે છે, પરંતુ તાજેતરમાં કરવામાં આવેલા અભ્યાસે બતાવ્યું છે કે વધારે પ્રોટીનનું સેવન હૃદય માટે જોખમી સાબિત થઈ શકે છે. અમેરિકાની પિટ્સબર્ગ યુનિવર્સિટી સ્કૂલ ઓફ મેડિસિનના વૈજ્ઞાનિકો દ્વારા કરવામાં આવેલા એક અભ્યાસમાં જાણવા મળ્યું કે વધુ પ્રોટીનનો ઉપયોગ હૃદયની રક્ત નસોને નુકસાન પહોંચાડી શકે છે.
વધુ પ્રોટીનના નુકસાન
આ અભ્યાસમાં જણાવવામાં આવ્યું છે કે વધુ પ્રોટીનથી રક્ત નસોમાં બ્લોકેજની શક્યતા વધી જાય છે, જેનાથી હૃદય સંબંધિત બીમારીઓ અને હાર્ટ એટેકનો જોખમ વધી શકે છે. આથી, બેલેન્સમાં પ્રોટીન લેવો જરૂરી છે, કારણ કે વધુ માત્રામાં લેવાતું પ્રોટીનથી કિડનીની બીમારીઓનું જોખમ પણ વધી શકે છે.
વધુ પ્રોટીન અને યૂરિક એસિડ
હમણાં હજી વધુ એક મુદ્દો સામે આવ્યો છે કે વધુ પ્રોટીન યૂરિક એસિડની માત્રા વધારતું હોય છે, જેનાથી શરીરમાં તકલીફો વધે છે. પ્રોટીનના જથ્થામાં બેલેન્સ રાખવાથી મસલ્સ અને આંખોને ફાયદો થાય છે, પરંતુ જરૂરથી વધુ પ્રોટીન લેવાથી કબજિયાત થઈ શકે છે, તેમજ મોંમાંથી ખરાબ વાસ આવવાની સમસ્યા ઊભી થઈ શકે છે.
દરરોજ કેટલું પ્રોટીન લેવું?
એમાં પ્રશ્ન એ થાય છે કે એક દિવસમાં કેટલું પ્રોટીન લેવું જોઈએ? અમેરિકન નેશનલ ઇન્સ્ટિટ્યૂટ ઓફ હેલ્થના અનુસાર, પ્રતિ કિલોગ્રામ વજન દીઠ 1 ગ્રામ પ્રોટીન લેવું જોઈએ. ઉદાહરણ તરીકે, જો વ્યક્તિનું વજન 70 કિલોગ્રામ છે, તો તેને દરરોજ 70 ગ્રામ પ્રોટીન લેવુ જરૂરી છે.
કયા ખોરાકમાં કેટલું પ્રોટીન?
જાણો તમારા રોજિંદા ખોરાકમાં કેટલું પ્રોટીન હોય છે: 100 ગ્રામ રાજમામાં 24 ગ્રામ પ્રોટીન, 100 ગ્રામ ચણામાં 19 ગ્રામ, 100 ગ્રામ સોયાબીનમાં 36 ગ્રામ, 100 ગ્રામ તુવેરની દાળમાં 22 ગ્રામ, અને 100 ગ્રામ મગની દાળમાં 24 ગ્રામ પ્રોટીન હોય છે.
હાર્દિક આરોગ્ય માટે, બેલેન્સમાં પ્રોટીનનું સેવન જરૂરી છે, જેથી હૃદય અને અન્ય અવયવો પર અનિચ્છનીય અસર ન થાય.
