વડોદરા સમાચાર: હવામાન વિભાગે આગાહી કરી છે કે આગામી પાંચ દિવસમાં ભારે ગરમી રહેશે. વડોદરામાં ગરમીના કારણે એક વૃદ્ધનું મૃત્યુ થયું છે, જ્યારે બે લોકોને ચક્કર અને ઘબરાહટની ફરિયાદ સાથે SSG હોસ્પિટલમાં દાખલ કરવામાં આવ્યા છે. મકરપુરામાં રહેતા 56 વર્ષીય મનોજ સોલંકીનું હીટ સ્ટ્રોકને કારણે મૃત્યુ થયું છે. આલ્કાપુરીના રહેવાસી 49 વર્ષીય અવિનાશ યાદવ ચક્કર ખાઈ જતાં બેભાન થઈ ગયા. ગોરવાના રહેવાસી 51 વર્ષીય સાકીર શેખ સાઇકલ ચલાવતી વખતે ચક્કર આવી જતાં બેભાન થઈ ગયા. બંને દર્દીઓને SSG હોસ્પિટલમાં દાખલ કરવામાં આવ્યા છે.
ગોરવા ટ્રિમૂર્તિ સોસાયટીમાં રહેતા 51 વર્ષીય સાકીરમિન્યા રહીમમિન્યા શેખ શુક્રવારે સવારે પોણા અગિયાર વાગ્યે પોલિટેકનિક કોલેજના ગેટ પાસે પસાર થઈ રહ્યા હતા. ત્યારે ચક્કર આવી જતાં સાઇકલ પરથી પડી ગયા અને માથા પર ઇજા થઈ. Sayaji Hospitalમાં સારવાર માટે તેમને દાખલ કરવામાં આવ્યા છે.
મકરપુરા એરફોર્સ નજીકની નીલકંઠ રેસિડન્સીમાં રહેતા 56 વર્ષીય મનોજકુમાર મંગલભાઈ સોલંકી ઘરમાં હતા, ત્યારે ગરમીના કારણે તબિયત બગડતા તેમના પરિવારજનો Sayaji હોસ્પિટલમાં લઈ ગયા, પરંતુ તેઓનું મૃત્યુ થયું. તેમને હૃદયરોગની સમસ્યા પણ હતી.
મેદાની વિસ્તારો માટે આગામી પાંચ દિવસ માટે ગંભીર ગરમીની ચેતવણી
હવામાન વિભાગે ઉત્તર-પશ્ચિમ ભારત અને પૂર્વ તથા મધ્ય ભારતના મેદાનોમાં આગામી પાંચ દિવસ માટે ગંભીર ગરમીની ચેતવણી જાહેર કરી છે. બીજી તરફ, દક્ષિણ ભારતના મોટા ભાગના ભાગોમાં 23 મે સુધી ભારે વરસાદ અને ગાજવીજ સાથે વરસાદ પડશે. હવામાન વિભાગના જણાવ્યા પ્રમાણે, રાજસ્થાનના 19 સ્થળોએ, હરિયાણાના 18, દિલ્હીના 8 અને પંજાબના બે સ્થળોએ તાપમાન 45 ડિગ્રીને પાર કર્યું છે. વર્લ્ડ વેધર એટ્રિબ્યુશન ગ્રુપના વૈજ્ઞાનિકોએ જણાવ્યું છે કે આબોહવાનાં પરિવર્તનને કારણે વધતી ગરમીની લહેરે એશિયાના ગરીબ લોકો માટે જીંદગી વધુ મુશ્કેલ બનાવી છે.
પશ્ચિમ રાજસ્થાન માટે હવામાન વિભાગે અત્યંત ગરમીની લહેર માટે રેડ એલર્ટ જાહેર કર્યો છે. જ્યારે હરિયાણા, પંજાબ, પૂર્વ રાજસ્થાન, દિલ્હી, ઉત્તર પ્રદેશ, બિહાર અને ગુજરાત માટે ગંભીર ગરમીની લહેર માટે ઓરેન્જ એલર્ટ જાહેર કર્યો છે. આ ઉપરાંત, નવજાત શિશુઓ, વૃદ્ધો અને લાંબા સમયથી બીમાર લોકોની ખાસ કાળજી લેવાની જરૂરિયાત છે.
