આવો જાણીએ શું છે NEET પેપર લીક કાંડ
બિહાર: NEET (નેશનલ એલિજિબિલિટી કમ એન્ટ્રન્સ ટેસ્ટ) પેપર લીક કાંડને કારણે સમગ્ર દેશમાં ભારે હોબાળો મચ્યો છે. પેપર લીક કેસમાં પકડાયેલા ચાર લોકોમાંના એક, અનુરાગ યાદવે ખુલાસો કર્યો છે કે તે કોચિંગ હબ કોટામાં મેડિકલ એન્ટ્રન્સ ટેસ્ટની તૈયારી કરી રહ્યો હતો. તેના કાકા, સિકંદર યાદવેંદુએ સમસ્તીપુર (બિહાર) મોકલ્યો અને કહ્યું કે, “તુ પરીક્ષા પાસ કરી છે એવું સમજી લે”. અનુરાગને પરીક્ષાની રાત્રે જ પ્રશ્નો અને જવાબો મળી ગયા, જે બીજા દિવસેની પરીક્ષામાં આ જ હતા.
અનુરાગને મળેલા માર્ક્સ
નેશનલ ટેસ્ટિંગ એજન્સી દ્વારા જારી કરાયેલ અનુરાગનું સ્કોરકાર્ડ દર્શાવે છે કે તેને 720 માંથી 185 ગુણ મળ્યા છે. તેનું કુલ પર્સેન્ટાઈલ સ્કોર 54.84 છે. વિષયવાર સ્કોરમાં મોટી ખામીઓ જોવા મળી હતી. અનુરાગને ફિઝિક્સમાં 85.8 પર્સન્ટાઈલ, બાયોલોજીમાં 51 પર્સન્ટાઈલ, અને કેમિસ્ટ્રીમાં ફક્ત 5 ટકા જ મળ્યા.
બીજાં વિદ્યાર્થીઓના સ્કોર
બીજાં આરોપીઓમાંના એકે 720માંથી 300 ગુણ મેળવીને બાયોલોજીમાં 87.8 પર્સન્ટાઈલ, ફિઝિક્સ અને કેમિસ્ટ્રીમાં 15.5 અને 15.3 પર્સન્ટાઈલ મેળવ્યા. અન્ય બે વિદ્યાર્થીઓમાં એકને 720માંથી 581 અને બીજાને 483 ગુણ મળ્યા.
પેપર લીકનો મુખ્ય સૂત્રધાર સિકંદર યાદવેંદુ
બિહારના સિકંદર યાદવેંદુ પેપર લીક કાંડનો મુખ્ય સૂત્રધાર છે. તેની પુછપરછમાં તેણે કબૂલ્યું કે અમિત આનંદ અને નીતિશ કુમાર સાથે તેના સંપર્કથી ચાર વિદ્યાર્થીઓને પેપર અપાવ્યા હતા. વધુમાં, દરેક વિદ્યાર્થી પાસેથી 40 લાખ રૂપિયાની માંગણી કરી હતી.
આ કાંડને કારણે દેશભરમાં ખળભળાટ મચી ગયો છે અને આ પરિસ્થિતિમાં NEET પરીક્ષાની નિષ્ઠા પર સવાલો ઉઠી રહ્યા છે.
